sugdnews.com сайти фотосурати
Тожикистон ҳукумати 2025 йил учун давлат захирасига киритилган, имтиёзли шартларда мамлакатга олиб киришга рухсат берилган товарлар рўйхатини тасдиқлади. Рўйхат ёқилғи ва озиқ-овқат маҳсулотлари турларини ўз ичига олади, деб хабар беради «Азия-Плюс» нашри республика Вазирлар Маҳкамасининг тегишли қарорига таяниб.
Ҳужжатда қуйида рўйхат келтирилган:
✔️ озиқ-овқат буғдойи — 100 минг тонна;
✔️ шакар — 30 минг тонна;
✔️ ун — 2 минг тонна;
✔️ гўшт — 2 минг тонна;
✔️ ўсимлик ёғи — 1 минг тонна;
✔️ гуруч — 1 минг тонна;
✔️ товуқ қиймаси — 1 минг тонна;
✔️ дизел ёқилғиси — 100 минг тонна;
✔️ бензин — 100 минг тонна.
Айнан ман шу товарларни шундай ҳажмларда Тожикистонга имтиёзли шартларда олиб кириш мумкин. Низомга кўра, тегишли операциялар божхона тўловларидан тўлиқ озод қилинади ҳамда уларга белгиланган ставканинг 50 фоизи миқдорида қўшилган қиймат солиғи ва акциз солиғи тўланади.
Республика стратегик захираси учун харидлар мамлакат ҳукумати ҳузуридаги Давлат моддий резервлари агентлиги томонидан амалга оширилади.
