Садир Жапаров. Қирғизистон президенти матбуот хизмати фотосурати
25 март куни Қирғизистон президенти Садир Жапаров қирғиз-тожик чегараси тўғрисидаги келишувни имзолади. Бу ҳақда давлат раҳбари матбуот хизмати хабар берди.
Шу куни Қирғизистон ва Тожикистон ўртасида автомобиль йўлларини қуриш ва улардан фойдаланиш, Йўллар чорраҳасини ривожлантириш ва улардан фойдаланиш тўғрисидаги битим, шунингдек, икки давлат ҳукуматлари ўртасида сув-энергетика объектларидан фойдаланишни таъминлаш тўғрисидаги битим ратификация қилинди.
Икки республика президентлари 13 март куни қирғиз-тожик чегараси бўйича келишувни имзоладилар ва шу билан бирга бир неча йиллардан бери фаолият кўрсатмаётган назорат-ўтказиш пунктларини очдилар. Қирғизистон парламенти ушбу ҳужжатни 19 март куни маъқуллади.
Битимлар 13 март куни Тожикистон президенти Эмомали Раҳмоннинг Қирғизистонга давлат ташрифи чоғида имзоланган. Биринчиси, фуқароларнинг тўсиқсиз ҳаракатланиши, транспорт воситаларининг ўтиши ва икки давлат ўртасида юк ташишни назарда тутади. Келишув доирасида иккита нейтрал автомагистрал қурилади:
👉 «Дача – Қапчиғай» (Қапчиғайни айланиб ўтиш), Тожикистон томонидан фойдаланилади;
👉 «Мин-Ўрик – Самаркандек» (Сурхни четлаб ўтиш), Қирғизистон томонидан фойдаланилади.
Шунингдек, «Ўш-Раззоқов» ва «Исфара-Ворух» автомобиль йўллари чорраҳасини биргаликда ишлаб чиқиш ва фойдаланиш таклиф қилинмоқда, бу чорраҳадан икки давлат тенг ҳуқуқли фойдаланиш мумкин.
Иккинчи келишув давлатлар ҳудудидаги иқтисодий ва энергетика объектларига фойдаланиш учун тўсиқсиз киришни таъминлайди. Бундан ташқари, учта дарвозали бош тўғон ва Оқ-Тотир/Мачои каналининг бош сув олиш иншоотини биргаликда ишлатиш таклиф этилмоқда.
ℹ️ 13 март куни Жапаров ва Раҳмон Тожикистон, Қирғизистон ва Ўзбекистон ўртасида уч мамлакат давлат чегараларининг туташув нуқтаси тўғрисида битим тузиш ниятини тасдиқлади. 31 март куни юқорида тилга олинган барча республика раҳбарларининг Хўжанд шаҳрида бўлиб ўтадиган учрашувида мазкур ҳужжат имзоланиши кутилмоқда.
