Air Samarkand матбуот хизмати фотосурати
Air Samarkand авиакомпанияси Тошкентдан Ал-Айнга (БАА) тўғридан-тўғри рейсни йўлга қўйди. Биринчи парвоз 22 сентябрь куни амалга оширилди, деб хабар берди авиаташувчи матбуот хизмати.
Парвозлар Airbus A321 лайнерида амалга оширилади. Самолётнинг эконом класси 182 йўловчига мўлжалланган, бизнес-класс салонида — 12 ўрин.
Парвозлар EasyBoking туроператори билан ҳамкорликда ҳафтада бир марта якшанба кунлари амалга оширилади:
• Тошкентдан учиш 10:40 да, Ал-Айнга етиб келиш 13:20 да (маҳаллий вақт);
• Ал-Айндан учиш 15:00, Тошкентга етиб келиш 19:40 (маҳаллий вақт).
👉 Ал-Айн — Бирлашган Араб Амирликларининг тўртинчи йирик шаҳри. У муҳим маданий марказ ҳисобланади. Бу чўл ўртасида жойлашган катта яшил орол бўлиб, ўзининг парклари, фавворалари, Ал Жаҳили қалъаси, Жабал Ҳафит тоғи ва Бурайми воҳаси каби тарихий ва табиий диққатга сазовор жойлари билан машҳур. Ал-Айн аэропорти Абу-Даби ва Дубайдан тенг масофада — 155 ва 130 км жойлашган ва улар билан замонавий автомобиль йўллари боғланган.
Келажакда авиакомпания Абу-Даби (AUH) ва Дубай (DXB) халқаро аэропортларига парвозларни йўлга қўйишни режалаштирмоқда.
