inform.kz сайти фотосурати
Британиянинг Victoria Oil & Gas нефть ва газ компанияси Халқаро инвестиция баҳсларини ҳал қилиш маркази (ICSID) рўйхатидан ўтган Қозоғистонга қарши судга мурожаат қилди. Бунга биринчи бўлиб ENERGY MONITOR Телеграм канали эътибор қаратди.
Қарама-қаршилик 2021 йилдан бери давом этади, ўшанда компания Атирау вилоятидаги Кемеркўл конини ўзлаштириш бўйича шартнома бекор қилингани учун Қозоғистондан юзлаб миллион доллар ундириш билан биринчи марта дўқ-пўписа қилган эди. Бироқ, ўша пайтда бу иш судгача этиб бормаган.
Victoria Oil & Gas 2005 йили Saga Creek Gold Ltd компаниясидан Кемеркўл конининг 100% улушини 8,5 миллион долларга сотиб олган. Компания бир нечта қудуқларни бурғилашга муваффақ бўлган ва нефтнинг потенциал геологик захираларини 15 миллион тоннага баҳолаган. Бироқ, 2008 йили ер қаъридан фойдаланиш шартномаси бекор қилинади. Шу билан бирга, Кемеркўлга бўлган ҳуқуқлар Bakyt Tau МЧЖга 360 миллион тенгега (жорий курс бўйича 713 минг доллар), 2016 йили «Ап-Нафта Оперейтинг» МЧЖга 1,36 миллиард тенгега (жорий курс бўйича 2,7 миллион доллар) ўтказилади.
«Кон заҳираси юзлаб миллион долларга тенг эмаслиги аниқ (...). Катта эҳтимол билан даъво иқтисодий эмас, балки сиёсий контекстга эга», — дейилади телеканал хабарида.
Эслатиб ўтамиз, 2021 йили Respublika нашри Victoria Oil & Gasни қозоғистонлик олигарх Асқар Алшинбаев билан боғлаган эди, у гўёки компаниянинг 23,7 фоиз улушига эгалик қилган.
