Елена Рибакина. metaratings.ru сайти фотосурати
Sports.kz томонидан ўтказилаётган «Қозоғистон спортининг асосий юлдузи ким» сўровига кўра, 27 март ҳолатига кўра, теннисчи Елена Рибакина сезиларли фарқ билан пешқадамлик қилмоқда.
Тадқиқот натижаларига кўра, респондентларнинг 46 фоизи дунёнинг еттинчи ракеткаси, Уимблдон ғолиби Рибакинага овоз берган. Мағлубиятсиз UFC жангчиси Шавкат Раҳмонов учун сўровнома иштирокчиларининг 33 фоизи овоз берган. Профессионал боксчи, IBO бўйича ўрта вазн тоифасида жаҳон чемпиони Геннадий Головкин 13 фоизга кўтарилган. Респондентларнинг 6 фоизи профессионал боксчи, ўрта вазн тоифасида WВО йўналиши чемпиони Жанибек Алимхонулига овоз берган. Яна 2% «бошқа бировни» танлаган.
Жаҳон чемпиони, Олимпия ўйинлари совриндори, энг кўп камар ва ўрта вазн тоифасидаги чемпионлик унвонлари соҳиби Геннадий Головкин узоқ вақтдан бери республиканинг асосий спорт юлдузи ҳисобланиб келган. Унинг фаолиятидаги пасайиш ёши, шунингдек, мексикалик Саул «Канело» Алваресдан икки марта мағлубиятга учраганидан кейин содир бўлди. Ўтган йил сентябрида «Канело»га мағлуб бўлгач, Головкин мағлубиятсиз қолган ва DAZN стриминг хизмати билан фойдали шартнома фойдасига иккита чемпионлик камаридан воз кечганди.
Ўз навбатида, Елена Рибакина ўтган йил июль ойида Уимблдонда ғалаба қозонган Марказий Осиёнинг биринчи вакилига айланди. Шу йилнинг январь ойида у Australian Open чемпионати финалига чиққан биринчи қозоғистонлик аёл бўлди, март ойида эса ўз фаолиятида илк бор WTA 1000 серия турнирида ғолиб бўлди.
