stopfake.kz сайти фотосурати
Қозоғистон Мудофаа вазирлиги Украина Қуролли кучларининг учувчисиз учоқлари республика ҳудудидан учирилгани ҳақидаги маълумотни сохта деб атади. Вазирлик шарҳи stopfake.kz (Қозоғистон Ахборот ва ижтимоий ривожланиш вазирлиги кўмагида сохта нарсаларга қарши курашиш учун яратилган) сайтида эълон қилинди.
«Московский Комсомолец» порталида Қозоғистондан Россия аэродромларига учувчисиз учувчи аппаратлар учирилиши ҳақидаги баёнотлар ҳақиқатга тўғри келмайди. Бундан ташқари, шуни таъкидлаймизки, ушбу дронлар ҳеч қачон Қозоғистон Республикаси Қуролли Кучлари таркибила бўлмаган», — дейилади хабарда.
5 декабрь куни Россия Мудофаа вазирлиги Украина учувчисиз учоқлари Рязан ва Саратов вилоятларидаги аэродромларга ҳужум қилгани ҳақида хабар берди. Уч нафар аскар ҳалок бўлган, тўрт нафари яраланган. Қурилмалар Қозоғистон ҳудудидан учирилган бўлиши мумкинлиги ҳақида 6 декабрь куни Россиянинг МК нашри ёзган. Шу билан бирга, у Махсус кучлар қўмондонлиги зенит-ракета қўшинларининг собиқ бошлиғи, истеъфодаги полковник Сергей Хатилевга ишора қилган.
«Менда ҳамкасбларимнинг ҳали тасдиқланмаган маълумотлари бор, бу учувчисиз учиш аппаратлари олдиндан Қозоғистонга олиб келинган бўлиши мумкин. Ва улар ўша ердан учирилган. Бу ҳақиқатга кўпроқ ўхшайди»,— дейди у «Московский комсомолец»га .
Қозоғистон Мудофаа вазирлиги мазкур маълумотни «ёлғон» деб атади ва фуқароларни провокацияларга берилмасликка чақирди.
Таъкидлаш жоиз, шунингдек бугун республика расмийлари Қозоғистон томонидан Россияга ракеталарни йиғиш учун бутловчи қисмлар етказиб берилгани ҳақидаги маълумотни рад этишга мажбур бўлди. Бу ҳақда Tik Tokда эълон қилинган видеода айтилган (stopfake.kz сайтида унга ҳавола бор, лекин материал ёзилиши пайтида роликни қўрик имконсиз эди).
Қозоғистон Республикаси Саноат ва инфратузилмани ривожлантириш вазирлигининг тушунтиришича, экспорт, импорт қилинадиган ёки транзит қилинадиган ҳар қандай электрон компонентлар — чиплар, микросхемалар техник тадқиқотлар учун ваколатли давлат органларига юборилади. Агар улар ҳарбий ёки иккиламчи маҳсулотлар ишлаб чиқаришда ишлатилиши мумкинлиги аниқланса, уларни етказиб бериш ваколатли орган (вазирликнинг саноатни ривожлантириш қўмитаси) томонидан экспорт лицензиясидан ўтиши керак.
Айни пайтда Қозоғистон ҳукуматининг жорий йил 27 августдаги қарори билан ҳарбий маҳсулотларни экспорт қилиш ва транзит қилиш тақиқланган. «Шу билан бирга, 2022 йил ва ундан олдинги даврда Қозоғистон Республикасидан ҳарбий маҳсулотлар, шу жумладан ракета компонентлари ёки ракеталарни ишлаб чиқариш учун бутловчи қисмлар реэкспорт/транзити амалга оширилмаган», — дея қўшимча қилди вазирлик.
