nn-airport.kz сайти фотосурати
Қозоғистон авиация маъмурияти сўнгги пайтларда ҳаво кемаларига шикаст етказиш ҳолатлари кўпайгани сабабли пойтахт аэропортида режадан ташқари текширув ўтказади. Бу ҳақда Республика Транспорт вазирлиги матбуот хизмати хабар берди.
Самолёт билан боғлиқ ҳодиса август ойининг биринчи ҳафтасида содир бўлган. Дастлаб аэропортда SCAT авиакомпанияга қарашли Boeing 737-800 самолётининг фюзеляжи шикастланган. Бунда аэропорт техникаси сабаб бўлгани хабар қилинган. Ҳодиса туфайли авиаташувчи Остонадан учувчи 20 та рейс жадвалини ўзгартиришга мажбур бўлган.
5 август куни Air Astana авиакомпанияси пойтахт аэропорти оператори FlyArystan лоукостери самолётларидан бирининг орқа кириш эшигини шикастлагани, бу эса унинг бир неча кун давомида мажбуран тўхтаб туришига олиб келганини хабар қилган. Бу ҳодиса аэропортдаги траплардан нотўғри фойдаланиш туфайли содир бўлган.
«Таъмирлаш харажатлари сезиларли ошади, аммо асосий муаммо — бу самолётларнинг мажбуран тўхтаб қолишининг авиакомпания жадвалига салбий таъсири кўрсатишида, жумладан, каскадли кечикишлар ва парвозларнинг бекор қилинишида аён бўлади», — дея таъкидлайди компания ходимлари.
Матбуот хизмати шунингдек, гуруҳ ёз мавсуми бошидан бери Остона аэропортида мунтазам равишда операцион қийинчиликларга дуч келаётганини айтади.
Остонадаги Нурсултон Назарбоев номидаги халқаро аэропорт Қозоғистондаги энг йирик аэропортлардан бири ҳисобланади. У Марказий Осиёдаги энг гавжум аэропортлар орасида иккинчи ўринда туради.
