kun.uz сайти фотосурати
2023 йили Ўзбекистон 30 та давлатдан инсонпарварлик ёрдами олган. Юклар ҳажми 197,8 миллион долларни ташкил этган. Республика Иқтисодиёт ва молия вазирлиги шундай маълумотларни келтиради.
Вазирлик маълумотларига кўра, инсонпарварлик ёрдамининг асосий қисми бешта давлат томонидан етказилган:
✅ Германия — тахминан 71,4 доллар ёки умумий ҳажмнинг 36%;
✅ Хитой — 27,5 миллион доллар ёки деярли 14%;
✅ АҚШ — 23,2 миллион доллар ёки 11,8%;
✅ Белгия — 22,6 миллион доллар ёки 11,4%;
✅ Швейцария — 20,7 млн доллар ёки 10,5%.
Ўзбекистонлик статистик маълумотларга кўра, хайрия юкларининг катта қисми соғлиқни сақлаш эҳтиёжларига жўнатилган – 170 миллион долларга яқин.
Иқтисодиёт вазирлиги ҳисобот даврида энг кўп гуманитар ёрдам олган ташкилотлар тўғрисидаги маълумотларни ҳам тақдим этади. Бу ерда мамлакат Соғлиқни сақлаш вазирлиги ҳузуридаги Санитария-эпидемиология осойишталиги ва аҳоли саломатлигини муҳофаза қилиш хизмати етакчилик қилади. Ушбу идорага юкларнинг 58% дан ортиғи тўғри келади. Ундан кейинги ўринларда «Таъминот ва логистика хизмати» унитар корхонаси, Гематология илмий-тадқиқот институти ва «Соғлом авлод учун» халқаро хайрия фонди жойлашган.
Сўз ўрнида, 2022 йили Ўзбекистонга 27 та давлатдан 193,5 миллион доллардан ортиқ инсонпарварлик ёрдами етиб келган ва бу борада АҚШ, Бельгия, Германия ва Нидерландия фаоолик кўрсатган.
