Ҳасан Руҳоний. Dailysabah.com сайти фотосурати
Эроннинг Диний ишлар бўйича махсус прокуратураси собиқ президент Ҳасан Руҳонийга қарши бир неча иш очди. У молия бозоридаги фирибгарликда айбланмоқда, деб хабар берди IRNA ахборот агентлиги 15 август куни.
Ислом Республикаси суд ҳокимиятининг расмий вакили Масуд Сетайешининг таъкидлашича, Руҳоний суд олдида бир қатор саволларга жавоб бериши керак.
«Эроннинг собиқ президенти, диний унвон ва мартабага эга Руҳонийга нисбатан тегишли юрисдикцияга эга диний ишлар бўйича махсус прокуратура томонидан бир неча иш очилган, шунингдек собиқ президент махсус орган олдида бир қатор саволларга жавоб бериши керак»,— дейди жаноб Сетайеши.
Эрон суд ҳокимияти вакилининг қайд этишича, ишлар Руҳоний томонидан содир этилган валюта фирибгарлиги, шунингдек унинг Эрон фонд бозорига аралашуви бўйича қўзғатилган.
Руҳоний 2013 йил августидан 2021 йил августигача Эрон президенти лавозимида ишлаган. У икки муддат давлат раҳбари сифатида ишлаган. Ислом Республикасининг собиқ раҳбарига нисбатан аввали ҳам айбловлар қўйилган. 2021 йил август ойида Мажлис (парламент) аъзолари унинг президентлик даврида иқтисодий вазият ёмонлашгани сабаб тергов бошлашга ҳаракат қилишган.
