Бауржан Исломхон. azattyq-ruhy.kz сайти фотосурати
Қозоғистоннинг энг яхши футболчиларидан бири, терма жамоа сардори Бауржан Исломхон икки йиллик дисквалификасияни ўтаб, Чимкентнинг «Ордабаси» клуби билан шартнома имзолади ва Қозоғистон чемпионатининг бўлажак мавсумида иштирок этади. Бу ҳақда Sports.kz хабар берди.
Қозоғистон чемпионати 4 март куни старт олади. Шунингдек, Чимкент клуби УEФА конференция лигасида мамлакат кубогининг ўтган йилги ғолиби сифатида иштирок этади.
«Ордабаси» Исломхон учун антидопинг қоидаларини бузгани учун икки йиллик ўйинлардан четлатилгандан сўнг биринчи клуб бўлди. Шартнома муддати 2023 йил охиригача ҳисобланган. Шартнома тафсилотлари ошкор этилмаган. Малумки, ярим ҳимоячи 9-рақамда ўйнайди.
Бауржан Исломхон «Тараз» клуби тарбияланувчиси. 2013 йили у Краснодарнинг «Кубан» тизимида бўлиб, «Остона»да олти ой ижарада ўйнаган. Футболчи Россияда ўз ўрнини топа олмайди ва 2014 йил февралида Исломхон «Қайрат» билан шартнома имзолайди. Олмаота клубида олти йил давомида ярим ҳимоячи беш марта Қозоғистон чемпионатининг кумуш медалини ва тўрт марта мамлакат кубогини қўлга киритган. Уч марта Қозоғистоннинг энг яхши футболчиси деб эътироф этилган.
2022 йил январида қозоғистонлик БААнинг «Ал-Айн» клуби билан шартнома имзолаган. 2021 йил ёзида футболчи антидопинг қоидаларини бузгани учун икки йилга дисквалификация қилингани малум бўлди. Исломхоннинг ўзи айбига иқрор бўлмаган.
Исломхон республика терма жамоаси сафида 48 та ўйин ўтказиб, учта гол урган. Спортчининг нархи 500 минг еврога баҳоланмоқда. Эътиборлиси, «Қайрат»дан кетганидан кейин бу кўрсаткич олти баробарга камайган.
