Драган Черан. uzfifa.net сайти фотосурати
17 февралга ўтар кечаси Ўзбекистонда қишки трансфер ойнаси ёпилди. Ўзбекистон Суперлигасининг 14 клубидан жами 377 нафар футболчи келаси мавсум рўйхатидан ўтган бўлиб, улардан 64 нафари хорижлик футболчилардир, деб хабар беради Transfermarkt.
Охирги беш йил ичида шаклланган анъанага кўра, Ўзбекистон клубларидаги легионерларнинг аксарияти Сербиядан бўлиб, уларнинг сони -15 нафар. Улар орасида ўзбек футболидаги фахрий чет эл футболчилардан бири – «Пахтакор»дан Драган Черан ҳам бор.
Ўзбекистон чемпионатида илк бор бирданига саккиз нафар украиналик ўйнайди. Украинларга қараганда руслардан кам эмас, улар ҳам саккизта. Шунингдек, Ўзбекистон Суперлигасида олтита грузиялик, тўрт нафар черногория, беларусь ва тожикистонлик, шунингдек, уч нафар нигериялик ва босниялик футболчи ўйнайди. Бразилия, Тунис, Эрон, Эстония, Польша, Италия, Испания, Молдова ва Либерия терма жамоалари бир нафардан футболчи билан иштирок этади.
Қайд этиш керакки, «Нефтчи» бирданига уч нафар украиналикни мавсумга жалб қилганди, бу жамоага асли украин миллатидан бўлмиш тожикистонлик футболчи Виталий Левченко устозлик қилади, у Душанбе «Истиқлол»и давридан таниш бўлган Алексей Ларинни «Пахтакор» дан «алдаб» олган. Шунингдек, фарғоналиклар тожикистонлик Зоир Жўрабоев ва россиялик Евгений Конюховни буюртма қилганлар . «Бухоро» ва «Андижон»да Украинанинг икки вакили бор.
«Бухоро», Тошкентнинг «Бунёдкор», Яйпаннинг «Турон», Фарғонанинг «Нефтчи» ва Термизнинг «Сурхон» клублари олти нафар легионер қўллаш бўйича лимитни тўлиқ тугатди.
«Сурхон» «россиялик» ларга бой клубга айланди – жамоада Россия Федерациясининг учта вакили бор, ўтган қишда эса термизликлар беларуслик Артем Сокол ва Москва «Спартак» клубининг собиқ футболчиси либериялик Силванус Нимели билан шартнома имзолаганди.
Бирорта легионерга эга бўлмаган ягона клуб — бу Тошкент «Олимпик» клубидир.
Энг қиммат таркиб Тошкентнинг «Пахтакор» клуби – 10,8 миллион евро, жамоада эса бор-йўғи 3 нафар легионер бор. Ўйинчилар нархи бўйича иккинчи ўринда келаси мавсумда тўрт нафар легионер тўп сурадиган Наманганнинг «Навбаҳор» жамоаси жойлашган бўлиб, улардан иккитаси Суперлиганинг энг қиммат хорижликлари — сербиялик Ёван Жокич ва черногориялик Милан Миловичдир. Ҳар икки футболчи 700 минг еврога баҳоланган.
Айни пайтда, Лиганинг энг қиммат футболчилари «Пахтакор»дан ўзбекистонлик Одил Ҳамробеков (1 миллион евро) ва Қаршининг «Насаф» клубидан Хусаин Норчаев (900 минг евро) бўлди.
Ўзбекистон Суперлигасининг 2023 йилги мавсуми 3 март куни бошланади. Турнирда 14 та клуб иштирок этади. Амалдаги мамлакат чемпиони – «Пахтакор»дир.
