Шавкат Мирзиёев Фарғона вилоятида, 2020 йил июнь. Ўзбекистон президенти матбуот хизмати фотосурати
Ўзбекистон президенти ғалла етиштириш ва сотишда бозор тамойилини жорий этиш чора-тадбирларини тасдиқлади.
Шавкат Мирзиёев 2022 йил ҳосили учун суғориладиган майдонларнинг ҳар гектарига ўртача 2,5 тоннадан жами 2550 минг тонна буғдой етиштириш бўйича таклифларни маъқуллади.
Молия вазирлиги «Ўздонмаҳсулот» АК тизимидаги корхоналарга биржадан буғдой сотиб олиш учун револьвер кредитларни молиялаштириш мақсадида Жамғарма маблағлари ҳисобидан 800 миллиард сўмгача тижорат банкларига Марказий банкнинг асосий ставкасида ресурс жойлаштирилишини таъминлайди.
Деярли 1,8 миллион тонна ғалла товар буғдой сифатида харид қилинади ва заҳирага олинади, яна 266,5 минг тоннаси уруғлик фондига харид қилинади. Дон учун тўлов Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси маблағлари ҳисобидан амалга оширилади. Шу билан бирга, тўловлар икки босқичда амалга оширилади: биринчидан, ҳукумат томонидан белгиланган нархлар бўйича, кейин биржадаги ўртача нархдан келиб чиқиб, қайта ҳисоб-китоб қилинади.
500 минг тонна дон жамғарманинг тижорат вакилидан вақтинча сақлаш учун қабул қилинади ва 2022-йил июль-август ойларида биржа аукционларида сотилади, буни буғдой ишлаб чиқарувчилар амалга оширади. Уларнинг буғдойни ташиш, қабул қилиш, сақлаш ва харидорга жўнатиш билан боғлиқ харажатлари тижорат вакили билан буғдой ишлаб чиқарувчи ўртасида тузилган шартнома шартларидан келиб чиққан ҳолда Жамғарма маблағлари ҳисобидан қопланади.
Олис, бориш қийин ва тоғли ҳудудларга ун ва ун маҳсулотлари етказиб бериш бўйича транспорт харажатларининг бир қисми маҳаллий бюджетларнинг қўшимча манбалари ҳисобидан, лекин 50 фоиздан кўп бўлмаган миқдорда қопланади.
Шавкат Мирзиёев 11 май куни бўлиб ўтган йиғилишда аграр ислоҳотларнинг янги босқичи бошланганини маълум қилди. Шу билан бирга, у «Ўздонмаҳсулот»ни янги бозор шароитида самарали ишлай олмаётганликда айблади.
