Ақлли фотоэлектрик (PV) ва энергияни сақлаш технологиялари соҳасидаги глобал етакчилардан бири бўлган Тринасолар Ўзбекистоннинг Хоразм вилоятида жойлашган 126 МВт қувватга эга Саримай қуёш электр станцияси лойиҳаси учун 184 328 та 695 Вт қувватли Vertex N модулини етказиб берди.
Лойиҳа тўлиқ ишга туширилган бўлиб, Саримай қуёш электр станцияси ҳозирда Ўзбекистоннинг миллий электр тармоғига қайта тикланувчи энергия манбаларидан ишлаб чиқарилган электр энергиясини етказиб бермоқда.
Ўзбекистон 2030-йилгача электр энергияси ишлаб чиқаришнинг 40 фоизини қайта тикланувчи энергия манбалари ҳисобидан таъминлаш мақсадида кенг кўламли қуёш ва шамол энергетикаси лойиҳаларини ривожлантирмоқда. Саримай қуёш электр станцияси мамлакатнинг ушбу стратегик мақсадини амалга ошириш йўлидаги муҳим лойиҳалардан биридир.
Саримай қуёш электр станцияси қурилиши 2024-йил май ойида бошланган. Станция 2025-йил ноябрь ойида, тўлиқ ишга туширилишидан аввал, дастлабки мегаватт-соат электр энергиясини ишлаб чиқара бошлаган. Узунлиги уч километр бўлган электр узатиш линияси станцияни Ўзбекистон миллий электр тармоғига улайди. Бу эса ишлаб чиқарилган электр энергиясини »Ўзбекистон миллий электр тармоқлари» АЖга етказиб бериш имконини беради.
Тахминан 180 гектар майдонни эгаллаган Саримай қуёш электр станцияси йилига қарийб 252 гигаватт-соат қайта тикланувчи электр энергияси ишлаб чиқариши кутилмоқда. Бу қарийб 60 минг нафар аҳолининг электр энергиясига бўлган эҳтиёжини қоплашга тенг. Шунингдек, қуёш электр станцияси ҳар йили 140 минг тоннадан ортиқ карбонат ангидрид чиқиндиларининг олдини олишга ёрдам беради.
Мазкур натижалар Ўзбекистон энергетика тизимига қайта тикланувчи энергия қувватларини босқичма-босқич қўшиб бораётган бир пайтда, ҳар бир йирик энергетика лойиҳаси мамлакатнинг ушбу йўналишдаги мақсадларига сезиларли ҳисса қўша олишини кўрсатади.
Кенг миқёсдаги энергетика лойиҳаси бўлган Саримай қуёш электр станциясида Тринасоларнинг Vertex N 695 Вт (NEG21C.20) модулларидан фойдаланилган. Ушбу модулларда n-типли i-TOPCon илғор қуёш элементи технологияси бифациал, икки ойнали конструкция билан уйғунлаштирилган.
Модуллар Ўзбекистоннинг қуруқ континентал иқлими шароитида фойдаланиш учун жуда мос келади. Бу ҳудудда ёзнинг иссиқ ва қуруқ келиши, фасллар давомида ҳароратнинг кескин ўзгариши, шунингдек, қум ва чанг таъсири ускуналар учун мураккаб эксплуатация шароитларини юзага келтиради. Паст ҳарорат коэффициенти юқори ҳарорат шароитида қувват йўқотилишини камайтиришга ёрдам беради. Қум таъсири ва потенциал индукцияланган деградацияга (PID) чидамлилик бўйича ўтказилган синовлар эса модулларнинг узоқ муддатли барқарорлигини таъминлашга хизмат қилади.
Шунингдек, модулларга 30 йиллик қувват кафолати берилган бўлиб, бу 25 йиллик эксплуатация муддатига мўлжалланган лойиҳа учун узоқ муддатли ишлаш кўрсаткичлари бўйича қўшимча ишончни таъминлайди.
«Саримай лойиҳаси Ўзбекистонда қайта тикланувчи энергетикани ривожлантириш борасидаги улкан мақсадларнинг амалий энергетика инфратузилмасига айланаётганини кўрсатади. Бундай миқёсдаги лойиҳаларда модулларнинг ишлаш кўрсаткичлари бутун тизим самарадорлигига бевосита таъсир қилади. Юқори қувват, бифациал энергия ишлаб чиқариш имконияти ва узоқ муддатли ишончлилик қуёш электр станциясининг ўнлаб йиллар давомида самарали ишлаши учун муҳим омиллардир», — деди Тринасолар Asia Pacific компаниясининг Жануби-Шарқий, Жанубий ва Марказий Осиё бўйича гуруҳ раҳбари Элва Wang.
«Vertex N технологияси ушбу лойиҳани қўллаб-қувватлаётганидан фахрланамиз. Келгусида ҳам ҳамкорларимиз билан биргаликда Ўзбекистон ва Марказий Осиёда йирик миқёсдаги қуёш энергетикасини ривожлантириш йўлида фаолиятимизни давом эттирамиз."
Trinasolar ҳақида
1997 йилда ташкил этилган Trinasolar — ақлли қуёш энергетикаси ва энергия сақлаш ечимлари бўйича жаҳон етакчиси. Компания йирик электр станциялари, тижорат ва саноат объектлари ҳамда уй хўжаликлари учун фотоэлектрик модуллар, энергия сақлаш тизимлари, трекерлар ва ақлли энергетик ечимларни ишлаб чиқаради. Trinasolar дунёнинг 180 дан ортиқ мамлакати ва минтақасида фаолият юритади. Узлуксиз технологик инновациялар ва глобал ишлаб чиқариш салоҳияти орқали компания қайта тикланувчи энергетикани ривожлантириш ҳамда карбон нейтраллигига ўтишни қўллаб-қувватламоқда.
