Нурланбек Турғунбек уулу. Ижтимоий тармоқдаги фотосурат
Жоғургу Кенеш (Қирғизистон парламенти) раиси Нурланбек Турғунбек уулу ўз ихтиёри билан истеъфога чиқишини маълум қилди. Бу ҳақда 24.кг нашри хабар берди.
Турғунбек уулу 2022 йили раис лавозимини эгаллаганини эслатиб ўтди.
Турғунбек уулу напомнил, что получил должность спикера в 2022 году.
«Шуни таъкидламоқчиманки, мен ҳеч қачон бир ёки икки киши учун ишламаганман, мен ҳар доим мамлакат ва қирғиз халқи манфаатлари йўлида ишлаганман. Шу вақт ичида мен мамлакатда муҳим ва зарур қарорлар қабул қилинишини таъминлашга ҳисса қўшдим. Мен ҳеч қаёққа кетмайман, мен парламент депутати сифатида ишлашда давом этаман. Сиёсий барқарорликни сақлаш учун биз фитналарсиз ишлашни ўрганишимиз керак», — деди Турғунбек уулу.
У куни-кеча Туркиядан қайтиб келганини ва ташриф жуда самарали бўлганини қўшимча қилди.
Турғунбек уулунинг истеъфога чиқиши мумкинлиги ҳақидаги тахминлар 10 февраль куни собиқ Бош вазир ўринбосари ва Қирғизистон Миллий хавфсизлик давлат қўмитаси раҳбари Камчибек Ташиев лавозимидан озод қилинганидан сўнг пайдо бўлди. Бироқ, парламент матбуот хизмати бу маълумотни рад этганди.
