Дайнис Казакевич ва Медер Сидиқов. ҚФИ матбуот хизмати фотосурати
Литванинг «Шяуляй» клуби ўзининг бош мураббийи, латвиялик мутахассис Дайнис Казакевич Қирғизистон футбол иттифоқи (ҚФИ) техник директори лавозимига тайинланганидан хабари бўлмаган. Бу ҳақда Sportas.lt хабар берди.
15 июль куни ҚФИ матбуот хизмати Даинис Казакевичнинг техник директор лавозимига тайинланганини расман эълон қилди.
«Қирғизистон футбол иттифоқи тарихида биринчи марта бу лавозимга халқаро мутахассис тайинланди. Бу бизнинг мамлакатда футбол индустриясини тизимли ва сифатли ривожлантириш бўйича стратегик мажбуриятимиз тасдиғидир. Биз Казакевичнинг бой тажрибасига, жараёнларни тизимли қуриш қобилиятига чуқур ишонамиз ва бу тизимни барқарор қилиш учун муҳим мақсадни мукаммал тушуна олади. Қирғизистонда футболни ривожлантириш бошланғич босқичдан миллий терма жамоагача жараённи ўз ичига олади», — деди ҚФИ бош котиби Медербек Сидиқов.
Шу билан бирга, постда келтирилган латвиялик мутахассиснинг таржимаи ҳолида у Литва «Шяуляй» клубининг амалдаги мураббийи экани кўрсатилмаган.
Эртаси куни литвалик журналистлар клуб директори Дейвис Канчельскис билан боғланишган, у эса ўз навбатида Казакевичнинг янги иш жойидан хабари йўқлигини айтган.
«Албатта, йўқ. Биз мураббийни эртанги машғулотда кутамиз. Ҳар қандай келишув фақат кейинги мавсумдан бошланиши мумкин», — деган Канчельскис.
«Фарғона» маълумотига кўра, Казакевич келаси йили россиялик Максим Лисицин ўрнига Қирғизистон терма жамоасига янги бош мураббий бўлиши эҳтимоли бор.
ℹ️ Дайнис Казакевич — UEFA Pro лицензияси соҳиби. У мураббийлик фаолиятини 2004 йили Латвиянинг «Елгава» клубида бошлаган. Клуб тарихида биринчи марта мамлакат кубогини қўлга киритган. 2012 йили у Латвия ёшлар терма жамоасини бошқарган. 2020 йилдан 2023 йилгача мамлакат терма жамоасини бошқарган. Бир муддат УEФА функционери сифатида ишлаган. 2025 йили у Литванинг «Шяуляй» клубини қабул қилиб олди.
