Ўзбекистондаги сайёҳлар. uzbekistan-tours.ru сайти фотосурати
2022 йил январ-декабрь ойларида Ўзбекистонга 5,2 миллион хорижлик сайёҳлик мақсадида келган, шундан 567,7 минг нафари россияликлардир. Бу ҳақда република Давлат статистика қўмитаси хабар беради.
Ўзбекистонга келган сайёҳлар сони бўйича Қозоғистон етакчи ўринни эгаллаган – 1551,1 минг киши. Иккинчи ўринда Тожикистон (1447,8 минг), учинчи ўринда Қирғизистон (1356,9 минг), Россия тўртинчи ўринда.
Россиялик сайёҳлар сонининг ўсиши 2021 йилга нисбатан уч бараварга ошган, ўшанда Ўзбекистонга 190,5 минг россиялик ташриф буюрганди.
Шунингдек, Ўзбекистонга Туркия (75,6 минг), Жанубий Корея (19,9 минг), Германия (17,7 минг), Ҳиндистон (16,8 минг), АҚШ (13,1 минг), Франция (11 минг), Буюк Британия (11 минг), Германия (17,7 минг), Ҳиндистондан (16,8 минг) ва бошқа мамлакатлардан (10,5 минг) сайёҳлар қизиқиш билдиришган.
Умуман олганда, Ўзбекистонга келаётган хорижий сайёҳлар сони ҳам, ўсиш динамикаси ҳам пандемиягача бўлган даражага етганича йўқ. Шундай қилиб, 2019 йили 6,74 миллион, 2018 йили эса 5,34 миллион чет эл фуқароси ташриф буюрган. Бу фонда Россиядан келаётган сайёҳлар сонининг ўсиши мисли кўрилмаган кўринади. Ва ниҳоят, россияликлар оқими Россия ҳукумати томонидан 2022 йил февраль ойида Украина ҳудудида МҲОнинг бошланиши ва ўша йилнинг сентябрь ойида РФда қисман сафарбарлик эълон қилингани билан ҳам боғлиқ.
2018 йили Ўзбекистонда 2025 йилгача туризмни ривожлантириш концепцияси қабул қилинган эди. Ҳукумат томонидан мазкур соҳанинг ялпи ички маҳсулотдаги улушини 2,3 фоиздан 5 фоизга, хорижий сайёҳлар сонини эса 9 миллион нафарга етказиш кўзда тутилган. 2019 йил бошида меҳмонҳоналар қурилишини қўллаб-қувватлашни мақсад қилган «Туризм соҳасини жадал ривожлантириш чора-тадбирлари тўғрисида»ги қарор қабул қилинганди. Кейинчалик ҳукумат ушбу соҳадаги инвесторлар харажатларини қисман қоплашга қарор қилди.
