Шамсиддин Воҳидов. Chess.com сайти фотосурати
Исроилда бўлиб ўтаётган жамоалар ўртасидаги жаҳон чемпионатида Ўзбекистон терма жамоаси Ҳиндистонлик рақибларини мағлуб этиб, финалга йўл олди.
Ярим финалнинг биринчи босқичида ҳиндлар билан дуранг ўйнаган ўзбекистонликлар иккинчи баҳсда 2,5:1,5 ҳисобида зафар қучдилар.
Жаҳон чемпионати финалида Ўзбекистон терма жамоаси Хитой терма жамоаси билан тўқнаш келади.
Бу галги турнирда ўзбекистонликлар фақат бир марта – чемпионатнинг гуруҳ босқичида Озарбайжон термасига мағлуб бўлишди. Ўзбекистонлик шахматчилар гуруҳ босқичида Польша билан баҳсда яна очко йўқотишди – 2:2. Бироқ бу Ўзбекистон терма жамоасининг биринчи ўриндан чиқиб кетишига тўсқинлик қилмади. Гуруҳда Исроил, АҚШ ва Ҳиндистон мағлуб бўлди.
Чорак финалда ўзбекистонликлар Украина терма жамоасини 3:1, 2,5:1,5 ҳисобида мағлуб этишди.
Эслатиб ўтамиз, тезкор йўналиш бўйича амалдаги жаҳон чемпиони Нодирбек Абдусатторов Ўзбекистон терма жамоаси сафида йўқ, бу жамоани турнирнинг титул аутсайдерларидан бирига – рейтинги паст жамоага айлантирди.
Жаҳон чемпионати Қуддусдаги Дан меҳмонхонасида 20-25 ноябрь кунлари бўлиб ўтади. Турнирда 12 та жамоа иштирок этиб, улар олтита жамоадан иборат икки гуруҳга бўлинган. Ҳар бир гуруҳдан энг яхши тўртта жамоа нокаутга учради. Нокаут ўйинларида жамоалар бир-бири билан икки раундда ўйнайди, агар керак бўлса, тай-брейк ўтказилади.
