«Олтин»ли Phone 11 Pro Max . Apple.com сайти фотосурати
Санкт-Петербургда курьерлик қилаётган Ўзбекистон фуқаросига ўғрилар ҳужум қилиб, ундан 13 дона смартфонни тортиб олган, деб ёзади «Фонтанка».
Воқеа 30 январь куни соат 22:00 га яқин шаҳарнинг Красносельск туманидаги Горелово посёлкасида содир бўлган. Куьер 200 минг рубль ($3,1 минг) қийматига эга иккита олтин смартфон iPhone 11 Pro га буюртма берган одамнинг манзилига келади. У машинадан тушиши биланоқ ёнида бошқа машина тўхтаб, ичидан иккита одам чиқиб курьернинг юзига газли баллонни сепади. Эркак қочмоқчи бўлади, лекин ўғрилар уни қувиб етади, пичоқ тақаб, смартфонларни тортиб оладилар.
Машинасига қайтиб келган курьер машинанинг ойнаси синдирилиб, салондан 11 дона турли русумдаги смартфонлар ўғирланганининг гувоҳи бўлади. Ўғриларга бой берилган товарлар 400 минг рубль ($6,3 тысячи) қийматига эга бўлган.
Курьерлик Россияда меҳнат қилаётган мигрантлар ичида энг яхши касб ҳисобланади. Ўтган йили Санкт-Петербургда курьерлик касбига бўлган талаб 65 фоизга ошган. «Авито» сервисининг маълумотларига кўра, 2019 йил август ҳолати бўйича курьернинг ўртача ойлиги 40 минг рублни ($630), курьер-ҳайдовчиники — 60 минг рублни ($950) ташкил этган.
