Фаррошлар. РИА «Новости» фотосурати
Россиянинг Самара вилояти ҳокимияти патент билан ишлайдиган чет элликларга тақиқланган касблар рўйхатини кенгайтирди. Масалан, касблар рўйхатига курьер ва фаррошлар қўшилди. Бу ҳақда вилоят ҳукуматининг расмий сайтида эълон қилинган губернатор Вячеслав Федоришчев томонидан чиқарилган фармонда сўз юритилган.
Ҳозирда Самара вилоятида 117 та касб бўйича мигрантлар ишлай олмайдилар. Илгари Россия Федерациясининг ушбу минтақасида патентга эга чет элликларга такси, таълим, дорихоналар ва персоналларни ёллаш агентликларида ишлаш тақиқланган эди.
Энди рўйхат бир неча бор кенгайтирилган ва янада кенгроқ касб ва соҳаларни ўз ичига олади:
➡️ Савдо;
➡️ Транспорт;
➡️ Овқатланиш;
➡️ Ишлаб чиқариш;
➡️ Курьерлар;
➡️ Таълим;
➡️ Тиббиёт;
➡️ IT ва фан.
Хусусан, мигрантларга ўқитувчи, мураббий, энага сифатида, деярли барча турдаги савдо, дастурлаш ва дрон йиғиш заводларида ишлаш тақиқланган.
Губернатор фармонида таъкидланишича, маҳаллий компанияларга «улар ёллайдиган хорижий ишчилар сонини» ушбу ҳужжатнинг айрим иқтисодий фаолият турларига тааллуқли тақиққа оид қоидаларига мувофиқлаштириш учун уч ой вақт берилган.
ℹ️ Россияда патент билан ишлайдиган мигрантлар учун шунга ўхшаш чекловлар мамлакатнинг кўплаб минтақаларида жорий этилган. Бўш иш ўринларини россияликлар ёки Евроосиё иқтисодий иттифоқига аъзо давлатлар (Беларусь, Қозоғистон, Қирғизистон, Арманистон) фуқаролари эгаллаши кутилмоқда.
