Гулжигит Алиқулов. Минск «Динамо«сининг расмий сайтидаги фотосурат
Қирғизистон терма жамоаси ярим ҳимоячиси Гулжигит Алиқулов Минскнинг «Динамо» клуби билан шартнома имзолади. Бу ҳақда клуб матбуот хизмати хабар берди.
Футболчининг Беларусь жамоаси билан шартномаси бир йилга мўлжалланган. Шартнома тафсилотлари ошкор қилинмаяпти.
Аликулов ўтган мавсумни бошқа бир Беларус клуби – «Неман» (Гродно)дан трансфер қилинганидан сўнг Москванинг «Торпедо» жамоасига ўтганди, аммо Россияда ўзини кўрсата олмади. «Фарғона» маълумотига кўра, Алиқулов ўз ватанида фойдали таклифларга эга бўлган, аммо Гулжигит Европа нигоҳида қолиш учун Беларусда камроқ маош олишга қарор қилган. «Динамо» бу кузда Конференция лигасида ўйнайди ва шунингдек, ички чемпионат учун курашмоқчи.
Гулжигит Алиқулов — Бишкекнинг «Дордой» клубида тарбия топган. 2017 йилда у Туркиянинг «Антальяспор» клубининг ёшлар жамоаларида ўйнаган. 2018 йилда у ўз ватанига қайтиб, аввал «Қара-Балта», кейин эса Бишкекнинг «Алга» жамоасида ўйнаган. 2019 йилда у Беларуснинг «Неман» клуби билан уч йиллик шартнома имзолаган. 2020 йилда у Олмаотанинг «Қайрат» жамоасига ўтади ва у ерда 2023 йилгача ўйнайди. Кейин у «Неман»га қайтади. 2025 йили футболчига Европадан таклифлар бўлган, аммо у «Торпедо»ни танлаган. У Қирғизистон терма жамоаси сафида 47 та ўйинда майдонга тушиб, 6 та гол урган.
Беларуслик мухлислар Аликуловга «қирғиз Мессиси» номини беришган ва қозоғистонлик мухлислар ушбу ташаббусни қўллаб-қувватлашган.
