Килиан Мбаппе, «Реал». sport-express.ru сайти фотосурати
Ўз тарихида илк бор УEФА Чемпионлар лигаси гуруҳ босқичига йўл олган Олмаотанинг «Қайрат» футбол клуби бўлажак турнирдаги рақибларини билиб олди.
Қуръа натижасига кўра, «Қайрат» ўз майдонида Мадриднинг «Реал», Бельгиянинг «Брюгге», Грециянинг «Олимпиакос» ва Кипрнинг «Пафос» клубларини қабул қилади. Олмаоталиклар сафарда Миланнинг «Интер», Лондоннинг «Арсенал», Лиссабоннинг «Спортинг» ва Даниянинг «Копенгаген» клублари билан ўйнайди.
Эътиборлиси шундаки, Чемпионлар Лигаси плей-оффида «Селтик»ни мағлуб этганидан сўнг, «Қайрат»дагилар «реал ортидан кетаётгани»ни айтишганди. Шундай қилиб, бу сўзлар қисман башоратли бўлиб чиқди.
«Қайрат» учун Чемпионлар лигаси гуруҳ босқичидаги иштирок тарихда биринчи бўлиб қолади. Қозоғистон жамоалари учун бу иккинчи бўлади: 2015/2016 йилги мавсумда «Астана» Европанинг энг кучли клуб турнири гуруҳида ўйнаганди.
«Қайрат» сафарда ўйнаш учун энг узоқ парвоз бўйича Чемпионлар Лигаси рекордини ўрнатади. Жамоа Португалиянинг «Спортинг» жамоасига қарши ўйин учун Олмаотадан Лиссабонгача бўлган 6,9 минг км дан ортиқ масофани босиб ўтиши керак бўлади. Аввалги рекорд 2015 йили Қозоғистоннинг «Астана» ва Португалиянинг «Бенфика» клублари томонидан ўрнатилган бўлиб, гуруҳ босқичида ўйнаш учун жамоа 6173 км масофани босиб ўтган эди.
Эслатиб ўтамиз, икки йил аввал турнир формати ўзгартирилган эди. Энди барча 32 жамоа бир гуруҳ (лига)да бўлиб, 8 та ўйин ўтказади. Энг яхши 16 та жамоа плей-офф босқичига йўл олади. Ўтган йили гуруҳдан чиқиш учун 11 очко тўплаш ва урилган ва ўтказиб юборилган голлар балансини камида нолга тенг сақлаш кифоя эди. Яъни, 4 та уйдаги ғалаба ва 12 очко плей-оффга чиқишни кафолатлай оларди, дейиш мумкин.
Гуруҳ босқичи ўйинлари 16 сентябрдан 28 январга қадар бўлиб ўтади.
