Йоахим Лёв. championat.com сайти фотосурати
Футбол бўйича миллий терма жамоани машҳур немис мутахассиси Йоахим Лёв бошқариши мумкин. Ўзбекистон футбол ассосиасияси 65 ёшли мураббий билан музокаралар олиб бормоқда, деб хабар беради Championat.Asia.
Эслатиб ўтамиз, германиялик мутахассис ўтган йил охирида Ўзбекистонга келиб, мамлакат футбол раҳбарияти, шунингдек, клублар вакиллари билан учрашган эди.
Тимур Кападзе айни дамда Ўзбекистон терма жамоаси бош мураббийи бўлиб, словениялик мутахассис Сречко Катанец шу йил бошида соғлиғи туфайли истеъфога чиқарилганидан сўнг жамоани қабул қилиб олганди. Катанеч раҳбарлигида жамоа жаҳон чемпионати йўлланмасини қўлга киритишга имкон қадар яқин келганди. Кападзе қўл остида жамоа 4 та ўйин ўтказиб, иккитасида ғалаба қозонган ва иккитасида дуранг қайд этган. Бу устунликни сақлаб қолиш ва жаҳон чемпионатига чиқиш ҳуқуқини қўлга киритиш учун етарли бўлди.
«Фарғона» хабарига кўра, янги мураббийни ёллаш учун бюджет маблағлари аллақачон ажратилган. Аммо жамоани Ўзбекистон тарихидаги илк жаҳон чемпионатига ким олиб бориши борасида якуний қарор ҳали қабул қилинмаган.
Қайд этиш лозим, Тимур Кападзе йирик турнирларда ишлаш тажрибага эга, хусусан, айнан у Ўзбекистон олимпия терма жамоасини биринчи бўлиб Жаҳон чемпионатига олиб чиқди.
Ўз навбатида, Лёв 2014 йили Германия терма жамоаси билан жаҳон чемпионатида ғолиб чиққан ва ФИФА томонидан дунёнинг энг яхши мураббийи сифатида этироф этилган. Мутахассис 2021 йилнинг март ойида жамоани тарк этган ва шундан бери мураббийлик қилмаётган эди.
