«Астана» футболчилари. sputnik.kz сайти фотосурати
Қозоғистон чемпионатининг кумуш медал совриндори «Астана» УEФА конференция лигасининг иккинчи саралаш босқичида Молдованинг «Зимбру» жамоасига қарши баҳс олиб боради.
Дастлабки ўйин 24 июль куни Молдовада, жавоб ўйини эса 31 июль куни Қозоғистонда бўлиб ўтади. Ғолиб УEФА Конференция Лигасининг учинчи саралаш босқичига йўл олади.
«Пойтахтликлар» еврокубоклардаги ўз йўлини Конференция лигасининг иккинчи саралаш босқичидан бошлайди. Қолган Қозоғистон жамоалари мусобақаларни биринчи давраларидан бошлашади, бироқ улар ҳам кейинги босқичлар учун ўзларининг салоҳиятли рақибларини билиб олишди.
Агар Олмаотанинг «Қайрат»и Чемпионлар лигаси саралашининг биринчи босқичида Словениянинг «Олимпия»сидан ўтиб кетса, КуПС (Финляндия) – «Милсами» (Молдова) учрашуви ғолиби билан тўқнаш келади. Агар улар мағлуб бўлса, Конференция лигаси саралашининг иккинчи босқичида ФКСБ (Руминия) –«Интер д’Эскальдес» (Андорра) жуфтлиги мағлуб бўлган жамоага қарши ўйнайди.
Агар «Актобе» Европа лигасининг биринчи саралаш босқичида Польшанинг «Легия»сини енгса, Чехиянинг «Баник» жамоасига қарши баҳс олиб боради. Агар мағлуб бўлса, Конференция лигасида Чехиянинг «Спарта» жамоаси билан тўқнаш келади.
Агар Грузиянинг «Торпедо» клуби Конференция лигасиа ўтса, Чимкентнинг «Ордабаси» Кипрнинг «Омония» жамоасига қарши майдонга тушади.
Эслатиб ўтамиз, ўтган мавсумда «Астана» еврокубокларнинг гуруҳ босқичига йўл олган ягона Қозоғистон клуби бўлганди. Жамоа Конференция лигасида иштирок этди, аммо плей-оффга чиқа олмади.
