"Ал-Араби" — "Аркадаг" ўйинидан лавҳа. the-afc.com сайти фотосурати
Осиё футбол конфедерасияси (ОФК) Чақирув лигасининг биринчи ярим финал учрашувида Туркманистоннинг «Аркадаг» клуби меҳмонда Қувайтнинг «Ал-Араби» жамоасига 0:2 ҳисобида имкониятни бой берди.
«Аркадаг» бундан аввал, ўтган йил кузида турнирнинг гуруҳ босқичида «Ал-Араби»билан учрашган ва 2:3 ҳисобида мағлуб бўлганди. Бу туркман клуби тарихидаги расмий даражадаги илк мағлубият эди. Аммо қувайтликлар дарвозасига урилган иккита гол эвазига «Аркадаг» турнирнинг плей-офф босқичига чиқишга муваффақ бўлганди. «Аркадаг» ички аренада ғалаба қозонишда давом этмоқда.
Биринчи ярим финал учрашувида мезбонлар ва халқаро турнирларнинг тажрибалироқ иштирокчиси сифатида «Ал-Араби» фаворит ҳисобланганди. «Аркадаг»га иккинчи рақам роли берилди. Ва шундай ҳам бўлди. Қувайтликлар шиддат билан ҳужум қилишган бўлса, туркманистонлик футболчилар эса, баъзида анчагина хавфли тарзда жавоб қайтаришди. Аммо биринчи гол фақат 71-дақиқада урилди: нигериялик легионер Кристофер Жон «Аркадаг» жарима майдончасига узатма берди ва тўп ҳеч кимга тегмасдан, йўлдан озган дарвозабон Расул Чарев дарвозасига учиб кирди. Меҳмонлар жавоб бериш учун югуришди, бир неча ҳужумлар уюштиришди, лекин яна ўтказиб юборишди. Салмон Ал-Авадҳи узоқ масофадан чиройли зарбаси билан якуний голга муаллифлик қилди.
Жавоб ўйини 16 апрель куни Туркманистонда бўлиб ўтади.
10 апрель куни бўлиб ўтадиган бошқа ярим финал ўйинида Камбоджанинг «Свайриенг» ва Индонезиянинг «Мадура Юнайтед» жамоалари ўзаро куч синашади.
«Аркадаг» — халқаро клуб турнирларида қатнашишда давом этаётган Марказий Осиёнинг ягона вакили ҳисобланади.
