Статистика агентлиги Тelegram-канали фотосурати
2025 йилн январь-февраль ойларида Ўзбекистонда енгил автомобиллар импорти қарийб тўрт бараварга камайди. Бу ҳақда мамлакат Статистика агентлиги хабар беради.
Белгиланган даврда мамлакатга умумий қиймати 75,9 миллион долларлик 4 минг 415 дона хорижий автомобиль олиб кирилган бўлса, ўтган йилнинг икки ойида 383,1 миллион долларлик 17 минг 553 дона импорт қилинган эди.
Энг кўп автомобиль Хитойда харид қилинган – 3149 дона, бу ўтган йилга нисбатан 4 баравар кам (12808). Иккинчи ўринда 1191 та автомобиль (4176) билан Жанубий Корея. 32 та машина (29 та) Япониядан келтирилган. Ўтган йили учинчи ўринни эгаллаган Қўшма Штатлар (январь-февралда 455 та автомобиль) энди бешинчи ўринни эгаллаб турибди – у ердан атиги 8 та машина олиб келинган, бу деярли 57 баробар кам дегани.
ℹ️ 2023 йил август ойида Ўзбекистон ҳукумати хорижий автомобилларни импорт қилишни соддалаштириб, уларни нафақат ишлаб чиқарувчилар дилерларига, балки бошқа импорт қилувчиларга ҳам сотишга рухсат берганди. Шундан сўнг, компаниялар ва жисмоний шахслар мамлакатга, асосан, Хитойдан автомобилларни фаол равишда олиб киришни бошладилар. Натижада, 2023 йил охирига келиб, автомобиль импорти 2,42 бараварга ошиб, ўтган йили 30,25 мингтадан 73,2 мингтага етганди. 2024 йил январь-декабрь ойларида Ўзбекистон 1,28 миллиард долларлик 74,7 мингта хориж автомобилини импорт қилди.
