Сречко Катанец. ekipa.svet24.si сайти фотосурати
Словениянинг энг йирик спорт нашри Ekipa жаҳон чемпионатини «жаннат»га қиёслаган ва унинг дарвозалари сари Ўзбекистон терма жамоасини собиқ мураббий, словениялик мутахассис Сречко Катанец етаклади, деб ёзган.
Сречко Катанец Ўзбекистон миллий терма жамоаси бош мураббийлигидан бир неча ой олдин кетганига қарамай, Словенияда ўзбек терма жамоасининг Жаҳон чемпионати саралаш босқичидаги ютуқларини кузатишда давом этишмоқда. Охирги икки учрашувда ўзбекистонликлар 4 очко жамғарди. Ўзбекистон миллий терма жамоаси тарихда илк йўлланмани қўлга киритиш учун БАА ва Қатарга қарши қолган иккита ўйинда 1 очко олиши керак.
«Сречко Катанец уларни жаннат дарвозалари, жаҳон чемпионатининг кенг очиқ эшиклари сари етаклади», — деб номланади Ўзбекистон терма жамоаси ўйинига бағишланган
Словения ОАВ материали.
Таъкидлаш жоиз, Сречко Катанец Ўзбекистон терма жамоаси тарихидаги энг муваффақиятли мураббий ҳисобланади. Унинг раҳбарлигида жамоа жаҳон чемпионати саралашига имкон қадар яқин келди. Бироқ, словениялик мутахассис соғлиғи сабабли Ўзбекистондаги фаолиятини тўхтатишга мажбур бўлди.
Футбол бўйича 23-жаҳон чемпионати 2026 йил 11 июндан 19 июлига қадар АҚШ, Канада ва Мексикада бўлиб ўтади.Турнирда илк бор 48та жамоа иштирок этади.
