Ислом цивилизацияси маркази. «Фарғона» фотосурати
Тошкентдаги Ислом цивилизацияси маркази (ИЦМ) музейида Италия музей ва хусусий коллекцияларидаги ноёб асарлар намойиш этилади. Кўргазма мажмуасининг очилишига бағишланган, деб хабар беради Ўзбекистон маданий меросини ўрганиш, асраш ва оммалаштириш бўйича Бутунжаҳон жамияти (WOSCU) матбуот хизмати.
Фирдавс Абдухолиқов бошчилигида ИЦМ делегациясининг Италияга ташрифи чоғида мазкур лойиҳани амалга ошириш борасида италиялик ҳамкасблар билан келишувга эритилган.
«Биз италиялик ҳамкасбларимиз ва дўстларимизнинг муҳим тадбирда иштирок этишларидан жуда миннатдормиз. Агар ҳозиргача китоб-альбом форматида Ўзбекистон маданий мероси тўғрисида маълумотларни чоп этган бўлсак, эндиликда мамлакат президенти муҳтарам Шавкат Мирзиёев ташаббуси ва чет эл ҳамкасбларимиз кўмагида мазкур маданий мерос наъмуналарини Ислом цивилизация марказида ўз кўзимиз билан кўриш имконига эга бўламиз. Ишончим комилки, экспозициянинг италян қисми мамлакатимиз маданий меросини азиз деб билган ҳар бир кишининг эътиборини тортади», – деди Абдухолиқов.
Тошкентда намойиш этиладиган артефактлар «Ўзбекистон маданий мероси дунё коллекцияларида» мультимедиа лойиҳасининг 35-жилдига бағишланган. Экспонатлар орасидан машҳур Афросиёб керамикаси, Ўрта асрлар металл буюмлари ва XIX — ХХ аср бошларидаги тўқимачилик буюмлари ўрин олган.
Кўргазмада шунингдек, Aron Collection ислом санъати шахсий тўпламидан ўрин олган ноёб метал намуналарини кўриш мумкин. Коллекциядан Хуросон ва Мовароуннаҳр металл буюмлари, жумладан Қорахонийлар ҳукмдорлари қадаҳлари, Сомонийлар даври керамика наъмуналари ўрин олган.
Aron фонди вакили Вероника Престини кўргазмада иштирок этиш улкан шараф эканини таъкидларкан, мазкур коллекция илгари Турин Шарқ санъати музейида намойиш этилганини айтиб ўтди.
«2023 йил ноябрда мен Самарқандда WOSCUнинг еттинчи Конгрессида иштирок этгандим ва Туриндаги Шарқ санъати музейида намойиш этилаётган ушбу буюмларнинг айримлари суратларини кўрсатиш имкониятига эга бўлгандим. Конгрессда иштирок этиш мен учун бой тажрибага бўлди, буни ҳеч қачон унутмайман. Президент Шавкат Мирзиёев халқаро ҳамкорликка, шу жумладан илм-фан ва таълим соҳасида улкан эътибор бераётганига гувоҳ бўлдим. Ислом цивилизацияси марказининг очилиши муносабати билан биз ушбу дурдоналарни Ўзбекистонга олиб келиш ва уларни Марказ очилиши шарафига уюштирилган кўргазмада намойиш этишдан бағоят хурсанд бўламиз. Бундай кўргазма ғоясининг ўзи менда ифтихор уйғотади», — дея хулоса қилди Престини.
Ўзбек тўқимачилик санъатининг ноёб тўпламига эга бўлган Антонио Ратти фонди ташаббусни қўллаб-қувватлади. Унинг вакили Маддалена Террагнининг сўзларига кўра, ИЦМдаги кўргазма — ўзбек ипаги, унинг ранглари, безакларининг улуғворлигини намойиш этиш учун мисли кўрилмаган имкониятдир. Мазкур санъат асарлари кўргазмасини уларнинг тарихий ватанида ташкил этиш — улкан шарафдир», деди Террагни
