selstorage.ru сайти фотосурати
2024 йил охирига келиб Тожикистон-Россия савдо операцияларида ҳисоб-китобларнинг 90 фоиздан ортиғи рублда амалга оширилган. Бу ҳақда Марказий Осиё Республикаси Миллий банки раҳбари Фирдавс Толибзода 12 февраль куни бўлиб ўтган матбуот анжуманида маълум қилди, дея хабар беради «Азия-Плюс» нашри.
Миллий банк раиси 2021 йили Россия Федерацияси билан савдо операцияларининг қарийб ярми АҚШ долларида, ярми Россия рублида амалга оширилганини таъкидлади. Аммо Украина ҳудудида махсус ҳарбий операция бошланганидан сўнг ва Ғарб давлатлари санкциялари ортидан вазият кескин ўзгарган.
Ўшандан бери доллардан воз кечиш жараёни бошланган. Дарвоқе, расмийнинг таъкидлашича, шу сабабли Тожикистон валюта айирбошлаш шохобчаларида 2022 йилдаги каби Америка валютаси тақчиллиги кузатилмайди.
Шу билан бирга, регулятор раҳбарининг таъкидлашича, хавфларни камайтириш учун маҳаллий молия ташкилотлари фақат халқаро санкциялар рўйхатига кирмаган Россия банклари билан ўзаро ҳамкорлик қилишга ҳаракат қилмоқда.
ℹ️ Тожикистон статистика идораси маълумотларига кўра, ўтган йили республика ва Россия ўртасидаги товар айирбошлаш ҳажми 1,98 миллиард долларни ташкил этган, бу бурунги йил кўрсатгичидан 15 фоизга кўпдир.
Шу билан бирга, савдо операцияларининг 95 фоиздан ортиғи импорт бўлиб, Россия Федерациясига экспорт ҳажми 96 миллион доллардан зўрға ошгани қайд этилган. Қарама-қарши йўналишда асосан мева ва сабзавотлар, шунингдек, баъзи минерал маҳсулотлар — рудалар ва концентратлар жўнатилади.
Тожикистоннинг энг фаол савдо ҳамкорлари рўйхатида Россия Федерацияси импорт-экспорт операциялари умумий сонининг 22,1% улуши билан етакчи ҳисобланади. Бироқ, таҳлилчиларнинг таъкидлашича, Хитой аста-секин Россияни қувиб етмоқда: 2024 йил охирига келиб, Хитой республика ташқи савдо айланмасининг 21,8 фоизини назорат қилган.
