Денис Титов. "Ростов" матбуот хизмати фотосурати
Туркманистон ўсмирлар терма жамоаси сардори Денис Титов «Ростов» футбол клуби билан шартнома имзолади. Бу ҳақда жамоа матбуот хизмати ўзининг расмий Телеграм-каналида маълум қилди.
Футболчи 2023 йили Ростовга кўчиб ўтган, аммо клубнинг ёшлар жамоаларида ўйнашга рухсат берилмаган, шунинг учун у шаҳар лигасида ҳаваскорлар даражасида ўйнаган. 18 ёшга тўлгач, Титов асосий жамоа билан йиғинга борган ва ўзини яхши кўрсатган. Натижада ёш футболчи билан профессионал шартнома имзолашга қарор қилинган.
Титов сўнгги 13 йил ичида Россия Премьер лигаси (РПЛ)да ўйнаган илк туркман футболчисига айланади. Охиргиси Вахит Оразсахедов бўлиб, у 2011 йилнинг кузида Қозоннинг «Рубин» жамоасида ўйнаган.
Эслатиб ўтамиз, футболчи Туркманистон терма жамоасида ўйнагунча тегишли ҳужжатларни расмийлаштирган тақдирда спорт фуқаролигини ўзгартиришга ҳақли. «Фарғона» хабарига кўра, Россия ёшлар терма жамоаси штаб-квартираси Титовни ўзига жалб қилиш имкониятидан манфаатдор. Дениснинг ўзи ўзини туркман футболи битирувчиси деб атайди.
Денис Титов Ашхободдаги олимпия захиралари болалар ва ўсмирлар спорт мактабида шуғулланган. У туркманистонлик футболчи Михаил Титовнинг укаси. У Туркманистон ўсмирлар терма жамоасида ўйнаган ва жамоа сардори бўлган.
