yuz.uz сайти фотосурати
Ўзбекистон Коррупцияга қарши курашиш агентлиги порахўрлик, манфаатлар тўқнашуви ва бошқа молиявий қонунбузарликлар бўйича энг «тоза» давлат компаниялари ва ҳокимият органлари рейтингини эълон қилди. Тегишли жадвал билан агентлик сайтида танишиш мумкин.
Экспертлар 95 та ташкилотни ўрганиб чиққан, улардан 59 таси ўтган йилги рейтингга киритилган. Барча иштирокчилар учта тоифага бўлинган: «яхши» (яшил зона), «қониқарли» (кўк зона) ва «қониқарсиз» (қизил зона).
Биринчи гуруҳга 81 дан 100 баллгача тўплаган иштирокчилар киритилган. Таъкидлаш лозим, ҳеч ким максимал кўрсаткичга эга бўлмаган. Аммо «рақобатчилар» нинг аксарияти рўйхатнинг ушбу қисмига киритилган.
Шу тариқа, республика Тоғ-кон саноати ва геология вазирлиги 94 балл билан энг кам коррупцияга учраган бошқарма деб топилди. Республика Марказий банки ғолибдан атиги бир очко ортда қолган. Кучли учликни учта ташкилот – «Ўзкимёсаноат», Техник жиҳатдан тартибга солиш агентлиги ва «Ўзбекнефтгаз» АЖ якунлайди.
Энг яхши 10 таликка қуйидагилар киради:
✅ «Ўзбекистон темир йўллари»;
✅ Навоий кон-металлургия комбинати;
✅ Бандлик ва камбаҳалликни қисқартириш вазирлиги;
✅ Жиззах вилояти ҳокимлиги;
✅ «Ўзбекистон саноат-қурилиш банки».
«Ўзбекистон ҳаво йўллари» МАК, «Ўзавтопром», Солиқ ва божхона қўмиталари, Энергетика вазирлиги, Адлия вазирлиги, бир қанча вилоятлар ҳокимликлари ва деярли барча тижорат банклари «яшил» зонадан жой олган.
30 дан ортиқ ташкилот 55 баллдан 81 баллгача йиғиб, «қониқарли» баҳо олган. Ушбу тоифадаги рейтингнинг юқори поғоналарини Туризм қўмитаси, Тошкент шаҳар ҳокимлиги, сув таъминоти масалаларини назорат қилувчи «Ўзсувтаъминот» компанияси, шунингдек, республика ҳукумати ҳузуридаги Олий аттестация комиссияси эгаллаган.
«Кўк» бўлимда зўрға ўрин эгаллаган гуруҳ аутсайдерлари иккита агентлик бўлди – Мактабгача таълим ва Ташқи меҳнат миграцияси.
Ниҳоят, тадқиқотнинг 15 та иштирокчиси мутахассислардан «Қониқарсиз» баҳосини олган. Бу ерда Олий таълим, фан ва инновациялар вазирлиги, Андижон вилояти ҳокимлиги ҳамда Қурилиш ва уй-жой коммунал хизмат кўрсатиш инспекцияси етакчилик қилади. Уларнинг «қизил» зонадан «кўк» зонага ўтишга озгина етишмаган.
Рейтингнинг қуйи қисмида 10 балл ҳам тўплай олмаган учта ташкилот жойлашган:
✔️ Электр энергияси, нефть маҳсулотлари ва газдан фойдаланишни назорат қилиш инспекцияси;
✔️ Кинематография агентлиги;
✔️ Сув иншоотлари ва сувдан фойдаланиш хавфсизлигини назорат қилиш инспекцияси.
Коррупцияга қарши курашиш агентлигининг таъкидлашича, натижалар холис бўлишини таъминлаш мақсадида жамоатчилик вакилларидан экспертлар гуруҳи тузилган.
«Қониқарсиз» рейтингидан жой олган иштирокчилар, жумладан, коррупция хавфини аниқлай олмаслиги, шунингдек, ишга қабул қилишда ва давлат харидларини амалга оширишда манфаатлар тўқнашуви билан боғлиқ вазиятларнинг олдини олишга қодир эмаслиги билан ажралиб туради. Мутахассислар «қизил» зонадаги барчага тавсиялар беради ва улар учун коррупцияга қарши курашдаги камчиликларни бартараф этиш бўйича чора-тадбирлар дастурини ишлаб чиқади.
