Қирғизистон ҳукумати 2024 йил октябрь ойида қўшилган қиймат солиғи ва савдо солиғидан озод қилган компаниялар мамлакат Миллий хавфсизлик давлат қўмитаси (МХДҚ) раиси ва Вазирлар Маҳкамаси раиси ўринбосари Қамчибек Ташиевнинг қариндошлари ва яқинларига тегишлидир. Бу ҳақда Temirov Live лойиҳаси билан биргаликда ҳукумат буюртмасида кўрсатилган компаниялар эгаларининг алоқаларини ўрганиб чиққан Kloop.kg нашри хабар берди.
Имтиёзли солиққа тортиладиган ташкилотлар рўйхатига Бишкек ва Жалолободдаги «Барса» академияларини қуриш ва жиҳозлаш лойиҳасини амалга оширувчи 12 та компания киритилган. Уларнинг орасида, жумладан, Ташиевнинг дўсти Айбек Алибаев бошқараётган «Жал Групп Азия» компанияси, Артур Алибаевнинг (Айбек Алибаевнинг ўғли) «Консульере Групп» компанияси, Нурлан Шайдиллаевнинг (Ташиевнинг Мээрим қизига уйланган) «ГСО Ресурс Строй компани» корхонаси, Ташиевнинг иккита жияни — Толкунбек Канибеков ва Сиймик Тинибековна қарашли «Железобетон строй» компанияси бор.
Уларга берилган имтиёзлар 2028 йилгача амал қилади. Бундан ташқари, Қирғизистондаги «Барса» академияларини қуриш франшизасига эга бўлган «Жал Групп Азия» компанияси Президент ишлар бошқармасидан академия ва элит «Барселона» турар-жой мажмуасини қуриш учун 17 гектар ер майдонини ижарага олган. Ер майдони 64,3 миллион долларга баҳоланган.
Кloop ва Temirov Live томонидан олиб борилган қўшма текширувлар натижаларига кўра, «Жал Групп Азия» Ташиевлар оиласи билан чамбарчас боғлиқ. Компания президенти Айбек Алибаев бу ғояни узоқ йилик дўсти — МХДҚ раҳбарининг ўзи илгари сурганини яширмайди. Қурилишда иштирок этган компаниялар муассислари орасида Ташиевнинг жиянлари, куёви ва Қирғизистон президенти Садир Жапаровнинг қайнағаси бор.
«Кўриниб турибдики, Вазирлар Маҳкамаси Вазирлар Маҳкамаси (Қамчибек Ташиев) нинг ҳамюртлари, дўстлари ва қариндошларини солиқдан озод қилган. Бу эса – бу очиқ-ойдин манфаатлар тўқнашувидир», — дея таъкидлайди журналистлар.
Академия атрофида барпо этиладиган турар-жой мажмуаси жами 1600 та элит хонадондагн иборат бир нечта кўп қаватли уйлар, болалар боғчаси, мактаб, меҳмонхона ва бизнес марказини ўз ичига олади. Пубратчининг даромади камида 360 миллион доллар бўлиши кутилмоқда. Журналистлар таъкидлашича, академияда фақат бойлар ўқиши мумкин, бу эса лойиҳани оддий фуқаролар учун имконсиз қилади.
ℹ️ Kloop журналистлари 2023 йил август ойида Қирғизистонда «Барса» академияларини қуриш франшизаси ортида Қамчибек Ташиев ва Садир Жапаровнинг шериклари ва қариндошлари тургани ҳақида хабар берганди. Тўрт кундан сўнг Қирғизистон президенти «Кабар» миллий агентлигига берган интервьюсида Kloop текширув материалларини изоҳлар экан, «бу лойиҳада Ташиевлар ва Жапаровлар иштирок этаётганини» тасдиқлаган ва дарҳол нашр ходимларини заракунандаликда айблаган. Жапаровнинг таъкидлашича, лойиҳа фақат хусусий маблағлар ҳисобидан амалга оширилмоқда.
«Давлат ёрдам берган ягона нарса — қурилиш учун 16 гектар ер майдони ажратилгани. «Барселона» академияси бу 16 гектарни келажакда 16 марта қоплайди», — деганди Қирғизистон президенти.
Текширув эълон қилинганидан бир ҳафта ўтиб, Бишкек прокуратураси «Клооп Медиа» фондини тугатиш тўғрисида судга даъво аризасини киритди ва 2023 йил 12 сентябрда нашрнинг сайти Қирғизистонда блокланди.
