Анна Пракатень (марказда). Olamsport.com сайти фотосурати
Ўзбекистон эшкак эшиш терма жамоаси бирданига еттита медални қўлга киритди.
Шероз Ҳакимов, Дилшод Худойбердиев, Давржон Давронов ва Алишер Турдиевдан иборат тўрт нафар эшкак эшувчи олтин медални қўлга киритди. Эшкак эшиш бўйича яна бир медал аёллар ўртасида бўлди: ўзбек фуқаролигига ўтган россиялик Анна Пракатень шоҳсупага кўтарилди.
Кумуш медалларни иккилик аёллар ўртасида (Луизахон Исломова ва Малика Тагматова), эркаклар иккилиги (Шаҳбоз Холмурзаев ва Меҳрожбек Маматқулов), жуфтликларда эркаклар (Шероз Ҳакимов ва Дилшоджон Худойбердиев) ва яна бир кумуш медални эшкак эшувчи тўртлик (Шахзод Нурматов, Шахбоз Меҳрожбек Маматқулов ва Собиржон Сафаролиев) қўлга киритди. Бронза Шаҳзод Нурматов ва Собиржон Сафаролиевга насиб этди.
Шунингдек, дзюдо бўйича 52 килограммгача бўлган вазн тоифасида Осиё ўйинлари олтин медалини финалда БАА вакили Биршельт Хорлодойни мағлубиятга учратган ўзбекистонлик спортчи Диёра Келдиёрова қўлга киритганини ҳам таъкидлаш жоиз.
25 сентябрь ҳолатига кўра, Ўзбекистон Осиё ўйинларининг медаллар жамғармаси бўйича тўртинчи ўринни эгаллаб турибди (3 олтин, 4 кумуш, 3 бронза). Қозоғистонлик спортчилар 1 кумуш ва 1 бронза медални қўлга киритган ва жамоа медаллар жадвалининг 12-поғонасидан жой олган.
Хитой етакчилик қилмоқда. Бу мамлакат спортчилари 26 олтин, 11 кумуш ва 5 бронза медалини қўлга киритган. Иккинчи ўринда 5 олтин, 5 кумуш ва 6 бронза медали билан Жанубий Корея жойлашган. Япония терма жамоаси 3 олтин, 8 кумуш ва 6 бронза медали билан учинчи ўринда.
23 сентябрдан 8 октабрга қадар Хитойнинг Ханчжоу шаҳрида Осиё ўйинлари бўлиб ўтади. Мусобақада 45 давлатдан бир неча минг нафар спортчи иштирок этмоқда.
