Александр Меркель. metaratings.ru сайти фотосурати
Қозоғистон терма жамоаси ва Туркия Суперлигасининг «Газиантеп» клуби ярим ҳимоячиси Александр Меркель Туркиянинг дивизиондаги иккинчи кучли «Сакаряспор» жамоаси билан ижара бўйича музокара олиб бормоқда. Бу ҳақда Super Lig Yolu TV телеканали Twitterда хабар берди.
Меркель ҳам Суперлиганинг бошқа бир клуби «Ҳатайспор» сингари «Газиантепспор» ҳам барча турнирларни тарк этгани учун янги жамоа излашга мажбур. Бундай қарорга сабаб, жорий йил февраль ойи бошида содир бўлган вайронкор зилзилаларда Газиантеп шаҳри ва Ҳатай вилояти жиддий зарар кўргани бўлди.
«Газиантеп» раҳбарияти барча футболчиларни ўзларини ижарага беришига рухсат берди ва шу билан бирга ижара шартномаси тугагунига қадар футболчиларга маошнинг ярмини тўлашга рози бўлди, бу эса спортчилар учун вақтинчалик иш қидиришни анча соддалаштиради.
31 ёшли қозоғистонлик футболчининг «Газиантеп» билан шартномаси шу йилнинг июнь ойида якунига этади.
Шунингдек, Меркель «Ақтўбе» билан шартнома имзолаши мумкинлиги, бироқ томонлар келиша олмагани хабар қилинганди.
Александр Меркель — асли Олмаоталик, Германиянинг «Штутгарт» ва Италиянинг «Милан» клублари тарбияланувчиси бўлиб, унинг таркибида мамлакат чемпионига айланган. Турли вақтларда Италиянинг «Удинезе» ва «Пиза», Англиянинг «Уотфорд», Швейцариянинг «Грасшоппер», Германиянинг «Бочум», Австриянинг «Адмира» клубларида тўп сурган. 2018 йилдан 2020 йилгача у Голландиянинг «Ҳераклес» жамоасида ўйнаган. 2020 йилдан 2021 йилгача Саудиянинг «Ал-Файсалий» жамоасида ўйнаган ва у билан бирга мамлакат кубогини қўлга киритган. 2021 йил август ойида у «Газиантеп»га кўчиб ўтди. Жорий мавсумда Александр 14 та ўйинда майдонга тушиб, 2 та гол урди.
Меркель Германиянинг турли ёшдаги ёшлар терма жамоаларида ўйнаган. 2015 йилда у Қозоғистон терма жамоасида ўйнашга қарор қилади ва унда учта ўйин ўтказади. Transfermarkt маълумотларига кўра, футболчининг нархи 1 миллион еврога баҳоланмоқда.
«Сакаряспор» — Адапазари шаҳрининг клуби. Бу мавсум Туркиянинг иккинчи кучли дивизионида ўйнайди. Чемпионатда 22 турдан сўнг жамоа еттинчи ўринда бормоқда, бироқ Суперлигага чиқиш учун курашни давом эттирмоқда.
