Қуръа ташлаш натижалари. Ташкилотчилар фотосурати
Қирғизистон, Тожикистон ва Ўзбекистон футзал жамоалари 2026 йилги Осиё кубогининг гуруҳ турнирларидаги рақибларини билиб олдилар.
C гуруҳидан Тожикистон ва Ўзбекистон миллий жамоалари ўрин олди. Марказий Осиё жамоалари рақиблари Австралия ва Япония бўлади. Таъкидлаш жоизки, Ўзбекистон ва Тожикистон сўнгги Осиё кубогининг ярим финалчилари ҳисобланади.
Қирғизистон терма жамоаси А гуруҳига тушиб қолди ва турнир мезбони билан Индонезия, Ироқ ва Жанубий Корея жамоалари билан рақобатлашади. Ироқнинг футзалчилари каби Қирғизистон сўнгги қитъа кубогининг чорак финалчиларидан бири бўлганди.
Нуфузли кубок учун кураш яна икки квартетда олиб борилади. Куръа ташлаш натижасига кўра Таиланд, Вьетнам, Қувайт ва Ливан В гуруҳидан ўрин олди, D гуруҳига Эрон, Афғонистон, Саудия Арабистони ва Малайзия кирди.
Турнир 2026 йил 27 январдан 7 февралгача Жакарта шаҳрида бўлиб ўтади. Осиё кубоги ўйинларида тўрт гуруҳга бўлинган 16 та жамоа иштирок этади. Ҳар бир гуруҳнинг энг кучли икки жамоаси плей-оффга чиқади.
