Салават Юлаев ҳайкали – Бошқирдистоннинг энг машҳур ёдгорликларидан бири. Аrtrb.ru сайти фотосурати
Россиянинг Utair авиакомпанияси Уфадан Тошкентга парвозни йўлга қўйди. Бу ҳақда авиаташувчи матбуот хизмати хабар беради.
«Бу йил ёзда биз Ўзбекистонга парвозлар географиясини сезиларли даражада кенгайтирдик. Utairнинг парвозлар жадвалига Москва, Санкт-Петербург, Сургут, Тюмен ва Уфадан Тошкентга парвозлар киритилган. Бухоро, Самарқанд ва Фарғонага – Москвадан. Шунингдек, биз Россиянинг йирик минтақавий марказларидан Ўзбекистонга янги рейсларни йўлга қўйиш имкониятларини кўриб чиқяпмиз», — дейди «Utair йўловчи авиакомпанияси» президенти Олег Семенов.
Июль ойида Уфа-Тошкент йўналиши бўйича парвозлар пайшанба кунлари, август ойида эса жума кунлари ҳам амалга оширилади. Қарама-қарши йўналишда Тошкент – Уфа рейси июль ойида жума кунлари, август ойида эса шанба кунлари йўлга қўйилади.
Уфадан учиш — 21:55 да, Тошкентдан — 01:45 да (ҳар бир аэропорт учун маҳаллий вақт).
Ташувчи сайтида қайд этилишича, унинг парки Boeing-737, Boeing-767 ва ATR 72-500 самолётлари ҳамда турли русумдаги вертолётлардан иборат.
