Равшан Маматов. Наркотикларни назорат қилиш агентлиги матбуот хизмати фотосурати
Ўзбекистон президенти Шавкат Мирзиёев Президент администрацияси ҳузуридаги Наркотиклар ва ўқотар қуролларни назорат қилиш агентлиги директори Равшан Маматовни ишдан бўшатди. Тегишли фармон имзолангани давлат раҳбарининг матбуот хизмати томонидан хабар қилинди.
Таъкидлаш жоиз, бир неча кун олдин президент агентлик фаолиятини кескин танқид қилиб, агентлик фақат «таҳлил ва халқаро ҳамкорлик» билан чекланаётганини айтганди.
У Маматовни агар ишда ҳеч қандай ўзгартириш бўлмаса, унинг лавозими қайта кўриб чиқилиши ҳақида огоҳлантирганди. Мирзиёев шунингдек, агентлик масъулиятни оширилганини, унга тегишли идоралар фаолиятини мувофиқлаштириш ва уларнинг самарадорлигини баҳолаш ваколати берилишини маълум қилди.
Агентлик ишини танқид қиларкан, давлат раҳбари сўнгги беш йил ичида фақат Тошкентда мусодара қилинган синтетик гиёҳванд моддалар ҳажми 11 баравар ошганини таъкидлади. Бундан ташқари, ушбу тақиқланган моддаларнинг 95 фоизи криптовалюта тўловлари орқали онлайн тарқатилмоқда. Республикада наркотик моддалар лабораториялари очила бошланган.
Президентнинг сўзларига кўра, 2025 йилга келиб пойтахтда 1500 дан ортиқ фуқаро расман гиёҳванд моддалар истеъмолчиси сифатида рўйхатдан ўтган. Аммо статистика қамраб олмаган гиёҳванд моддаларга қарам бўлганлар сони бундан ҳам кўпроқ ва улар асосан ёшлардан иборат.
Бундай одамлар ойига 20-25 миллион сўм (тахминан 2000 доллар) миқдорида ноқонуний гиёҳванд моддаларга пул сарфлашади. Пул йиғиш мақсадида улар кўпинча жиноятга қўл уришади. Масалан, ўтган йили Ўзбекистонда 64 киши гиёҳванд моддалар билан боғлиқ жиноятлар содир этган. Ҳар уч ҳодисадан бири Тошкентда содир бўлган.
Мирзиёев наркожиноятчилик ва уюшган гуруҳларга қарши кураш бўйича наркоканалларнинг охирги манбаси ва ҳомийларигача етиб бориш учун масъулларда қатъият йўқлигини танқид қилди.
Кеча бошқа ҳуқуқ тартибот идораларида кадрлар ўзгаргани маълум бўлдиди. Шундай қилиб, Ўзбекистон президенти Миллий гвардия қўмондони ва Ички ишлар вазирлигидаги бир нечта юқори лавозимли амалдорларни алмаштирди.
