Chevrolet Cobalt. UzAuto Motors матбуот хизмати фотосурати
UzAuto Motors компанияси Chevrolet Cobalt автомобилларини, жумладан, янги версиялари сотуви 3 ноябрдан бошланишини эълон қилди. Ортиқча ажиотажнинг олдини олиш мақсадида сотиб олиш шартномалари фақат онлайн тарзда мавжуд бўлади, деб хабар беради компания матбуот хизмати.
Онлайн харид 3 ноябрь куни Тошкент вақти билан соат 10:00 да бошланади. Компания мижозларга харидни амалга оширишнинг иккита вариантини таклиф қилади: uzavtosavdo.uz сайти ёки iOS ва Android мавжуд бўлган UzAvtoSavdo мобил иловаси орқали.
Ўзбекистон ишлаб чиқарувчисининг автомобилларига қизиқишнинг ортиши ва потенциал мижозларнинг кўплаб сўровларини ҳисобга олган ҳолда, компания Cobalt савдоси бошланган куни барча дилерлик марказларини ёпишга ва уларни компаниянинг савдо тизимидан узишга қарор қилди.
UzAuto Motors мижозларга онлайн шартнома имзолаганда, улар шартноманинг ҳақиқийлигини тасдиқловчи QR код олишларини эслатди. Бу битимнинг мажбурий шарти, шунинг учун ушбу элементсиз ҳужжатлар қалбаки деб ҳисобланади. Шунинг учун истеъмолчиларга харид қилишда эҳтиёт бўлиш тавсия этилади.
Яқинда компания Chevrolet Cobalt автомобилининг янги версиялари — Chevrolet Cobalt — Style MCM ва Midnight MCM чиқарилишини эълон қилганди. Матбуот хизмати таъкидлашича, янги моделларда ўзгартирилган двигателни бошқариш блоки ўрнатилган, газ тақсимлагич ва электрон бошқарув такомиллаштирилган Бундан ташқари, ABS (блокировкага қарши тормоз тизими), хавфсизлик ёстиқчалари блоклари ва хавфсизлик хусусиятлари янгиланган. Жами автомобилнинг 50 дан ортиқ асосий компонентлари ўзгартирилган. Бундан ташқари, Midnight MCM дизайн ва технологияга урғу берилган ҳолда яратилган.
Компаниянинг расмий нархлар рўйхатига кўра, янги моделларнинг нархи қуйидагича:
✅ Style MCM — 156 100 000 сўм ($13 минг);
✅ Midnight MCM — 165 200 000 сўм ($13,8 минг).
Компания мижозларга аввалги комплектациядаги автомобиллар ҳам мавжудлигини эслатиб ўтади. Бу ерда нархлар 147 916 000 сўмдан (12 300 доллар) 155 231 000 сўмгача (деярли 13 000 доллар) ўзгаради.
