«Актобе» футболчилари. sports.kz сайти фотосурати
«Астана» ва «Актобе» футбол клублари УEФА конференция лигасининг иккинчи саралаш босқичидаги илк ўйинларини ўтказишди.
«Актобе» ўз майдонида Чехиянинг «Спарта» жамоасига қарши ўйнади ва сенсацион тарзда ғалаба қозонди. Учрашув олдидан титулли меҳмонлар осонликча ғалаба қозонишига кўпчилик ишонар эди, аммо мезбонлар кураш олиб боришди. 29-дақиқада «Актобе» нигерлик легионер Даниэл Созахнинг саъй-ҳаракатлари эвазига ўйинда ҳисобни очди. 83-дақиқада Созах ёрдамчи сифатида ҳаракат қилиб, Оролхон Омиртаевга голли пас берди. Аммо 90-дақиқада учрашув бош ҳаками ноаниқ вазиятда мезбонлар дарвозаси томон пенальти белгилади ва Велько Бирманчевич орадаги фарқни қисқартирди. 2:1.
«Астана» ўз майдонида Молдованинг «Зимбру» жамоасини қабул қилди. Қозоғистонликлар ўз таркиби қиймати бўйича рақибларидан деярли икки баравар кўп устунлик қилишди ва мутахассислар мезбонларнинг ғалаба қозонишига шубҳа қилишмади. Бироқ, яратилган ягона хавфли дақиқадан фойдаланиб, биринчи бўлиб молдовалик футболчилар гол уришди. Биринчи бўлимга қўшиб берилган дақиқаларда янги келган ва жамоанинг энг яхши тўпурари исроиллик Гай Даҳан гол урди. Танаффусдан кейин «Астана» прессингни давом эттирди ва якунда ҳисобни тенглаштирди. 56-дақиқада Иван Башич гол урди. Учрашув мезбонлар истагида билан давом этди, бироқ учрашув якунига қадар ҳисоб ўзгармади. 1:1.
31 июль куни Конференция лигасининг жавоб ўйинлари бўлиб ўтади. Ғолиблар учинчи саралаш босқичига йўл олади. Муваффақиятли бўлса, «Астана» «Вардар» (Шимолий Македония)/Лозанна (Швейцария) жуфтлиги ғолиби билан, «Актобе» эса «Арарат» (Арманистон)/«Университатя Клуж» (Руминия) жуфтлиги ғолиби билан учрашади.
Эслатиб ўтамиз, Олмаотанинг «Қайрат»и ҳам Чемпионлар лигасида ўйнайди. Жамоа иккинчи саралаш босқичининг илк учрашувида Финляндиянинг КуПС жамоасига 0:2 ҳисобида имкониятни бой берди.
