Тақдирлаш маросими. 7tv.kg сайти фотосурати
Қирғизистонда Марказий Осиё волейбол ассоциацияси (CAVA) Миллатлар лигасига мусобақалари якунланди. Эрон терма жамоаси мусобақа ғолибига айланди.
Эронликлар 16 очко жамғариб, сўнгги турда фақат Туркманистон терма жамоасига тайм-брекда имкониятни бой беришди. Иккинчи ўринни Эронга имкониятни бой бериб, 15 очко жамғарган Қирғизистон терма жамоаси эгаллади. Мўғулистон 11 очко билан учинчи ўринда.
Ўзбекистон терма жамоаси 9 очко билан тўртинчи, Туркманистон терма жамоаси 5 очко билан бешинчи ўринни эгаллади. Қирғизистон ёшлар терма жамоаси ҳам 5 очко билан олтинчи ўринни эгаллади. Непал бор-йўғи бир очко билан охирги ўринни эгаллади.
Қайд этиш лозим, Эрон терма жамоаси асосий таркиб билан келмаган. Мусобақада CAVA аъзоси бўлган бир қатор терма жамоалар, жумладан Қозоғистон, Тожикистон, Ҳиндистон, Покистон, Афғонистон, Бутан, Бангладеш, Малдив ороллари ва Шри-Ланка терма жамоалари иштирок этмади.
