Козимжон Комилов. Ўзбекистон Сенати матбуот хизмати фотосурати
Ўзбекистон Олий суди раиси Козимжон Комилов қайта сайланганидан икки ой ўтиб лавозимидан озод этилди. Бу ҳақда ўз манбаларига таяниб Kun.uz хабар берди.
Суд сайтида ҳозирча раҳбарият таркибида ўзгаришлар йўқ.
Kun.uz хабарига кўра, 2021 йил ноябрь ойидан буён Президентнинг ҳуқуқни муҳофаза қилувчи ва назорат қилувчи органлар фаолиятини мувофиқлаштириш бўйича маслаҳатчиси лавозимида ишлаб келган Бахтиёр Исломов Олий суднинг янги раиси бўлди.
Козимжон Комилов 2017 йил май ойидан Олий суд раиси лавозимини эгаллаган эди. Бунгача у Олий хўжалик судига раҳбарлик қилган.
ℹ️ Ўзбекистон Олий суди фуқаролик, жиноий, иқтисодий ва маъмурий суд ишларини юритиш соҳасидаги олий суд ҳокимияти органи ҳисобланади. У томонидан қабул қилинган ҳужжатлар якуний ва бутун мамлакат бўйлаб мажбурийдир. Олий суд раиси беш йил муддатга сайланади.
