Алексей Беленков . Fctomtomsk.ru сайти видеотасвиридан кадр
Халқаро футбол федерациясининг (ФИФА) бахс-мунозараларни ҳал этиш палатаси «Навбаҳор» клуби зиммасига россиялик тренер Алексей Беленков учун 30 кун ичида $520 минг тўлаш мажбуриятини юклади. Бу ҳақда Championat.Asia хабар беради.
Компенсация тўлови амалга оширилмаган пайт ФИФА клубга нисбатан жазо чораларини қўллайди, жумладан клуб очколаридан маҳрум бўлиши ва халқаро футбол мусобақаларидан четлатилиши мумкин.
Беленков 2018 йил октябрда «Навбаҳор» клубининг бош тренери Андрей Канчелькисга ёрдамчи сифатида таклиф қилинган. Мутахассис билан мавсум охиригача, узайтирилиши мумкин шароитида шартнома имзоланади. Кейин шартнома 2023 йилгача узайтирилади. Бироқ, клуб 2019 йили Беленьков билан хайрлашмоқчи бўлади. Россия тренерининг адвокатлари Наманган клубига $150 минг компенсация тўлашни таклиф этадилар, лекин клуб бунга рози бўлмайди. Оқибатда Беленьков ФИФАга шикоят аризаси билан мурожаат қилади.
«Навбаҳор» футбол клуби Ўзбекистон чемпиони, мамлакат Кубогининг уч карра соҳиби ҳисобланади. Кейинги пайтда клуб бир неча бор матбуот диққатини ўзига жалб қилди. 2019 йил февралда Ўзбекистон футбол ассоциацияси «Навбаҳор»нинг бош мураббийи Илхомжон Мўъминжоновни дисквалификация қилди, кейинчалик Азиз Турғунбоев транферидаги регламентнинг бузилиши сабаб бош директор ва унинг ўринбосари ишдан четлатилди. Орадан икки ой ўтиб Мўъминжонов келишув матчларини ўтказганликда айбланди. Июнь ойида эса «қониқарсиз натижалар» сабаб Канчельскис истеъфога жўнатилди. Бироқ, икки ойдан сўнг бош тренер яна Наманганга қайтди ва «Навбаҳор» клуби билан уч йиллик шартнома имзолади.
