Сирдарё сув омборига яқин ҳудудлардан одамлар эвакуация қилинди

Сардоба сув омбори. Kun.uz сайти фотосурати

Сирдарё вилоятининг Сардоба сув омборига яқин жойлашган бир неча қишлоқ аҳолиси дамба деворидан сув чиқиши оқибатида хавфсиз жойларга эвакуация қилинган. Бу ҳақда Фавқулодда вазиятлар вазирлигининг матбуот хизмати хабар беради.

1 май куни эрталабки соат 6 ларда сув омбори дамбасининг 6 пикет деворида сув тирқиши пайдо бўлган ва натижада Сардоба тумани Қўрғонтепа қишлоғини сув босади. Маълумотларга кўра, шикастланган ёки ҳалок бўлган одамлар йўқ. Қўрғонтепа аҳли вақтинча «Бирлик» маҳалласига эвакуация қилинган ва сув босиш хавфи бор аҳоли пунктларидан ҳам одамлар кўчирилмоқда. Ушбу ҳабар чоп этилиши пайтига келиб 11,5 мингта одам кўчирилган.

Сардоба сув омбори 922 миллион кубметр сув сиғимига эга. У 2010 ва 2017 йиллар мобайнида қурилди. Шу кунларда бу ерда қуввати 10,7 МВт эга ГЭС қурилиши бошланди. У йилига 41,1 млн кВт*с электр манбаи ишлаб чиқариш салоҳиятига эга бўлади. Лойиҳанинг умумий қиймати €21,3 млн бўлиб, у Россиянинг «Росэксимбанк»и томонидан молиялаштирилмоқда. Қурилишнинг бош пудратчиси русларнинг «Силовые машины» компаниясидир. ГЭС қурилиши 2022 йили якунланиши режалаштирилган.

ШУНИНГДЕК ЎҚИНГ
  • Ҳақиқий Остап Бендер лейтенант Шмидтнинг ўғли бўлмаган. У Ўзбекистон Марказий ижроя қўмитасининг раиси бўлган

  • Жаҳон оммавий ахборот воситалари – Марказий Осиё ҳақида. Ҳафталик шарҳ

  • Тошкентда фақат 42 дона юз йиллик дарахт қолган. «Фарғона» ҳали кеч бўлмасидан уларни кўриб чиқишга уринди

  • «Фарғона» Бош директори Даниил Кислов оғир ҳасталикка учраган ҳуқуқ ҳимоячиси Азимжон Асқаровни озод этишга чақиради