Москвадаги «Дом Ферганы» маданият маркази ўз фаолиятини тўхтатади

Facebookдаги «Дом Ферганы» саҳифасидан фотосурат

Москва шаҳрининг қоқ марказида жойлашган, «Фарғона» ахборот агентлигининг лойиҳаси бўлмиш — «Дом Ферганы» («Фарғона уйи») маданият маркази ўз фаолиятини тўхтатаётганини эълон қилади. Бу ҳақда муассасанинг ижрочи директори Дмитрий Балакирев хабар беради.

«25 мартдан Москва ҳукумати коронавирус профилактикаси сабаб қатор чекловларни жорий қилди. Жумладан, пойтахтдаги маданий дам олиш масканлари бўлмиш — кутубхоналар, маданият марказлари, болалар кўнгилочар масканлари, клуб ва кинотеатрлар расман ёпилди. Биз мухлисларимиз ҳаётини хавфга солмаслик ниятида маданият марказимизни ёпишга қарор қилдик, — дейди Дмитрий Балакирев. – «Дом Ферганы» маданият маркази бугундан бошлаб ўз фаолиятини тўхтатади, 15 апрелдан эса Стретенский кўчасида ижарага олинган бинодан кўчиб кетамиз».

Маданият марказининг икки йиллик фаолияти давомида кўплаб давра суҳбатлари, концертлар, лекциялар, байрам оқшомлари, жамиятнинг муҳим муаммоларига боғлиқ симпозиум ва семинарлар ўтказилди.

Маданият маркази раҳбарияти Россия ва дунёдаги эпидемиологик вазият барқарорлашгандан сўнг ўз фаолиятини давом эттиришга умид боғлайди.

ШУНИНГДЕК ЎҚИНГ
  • Тошкент илк бор ўз ҳарбийларини Москвадаги Ғалаба парадига юборди. У ерда аскарлар қўшнилар билан қўшилиб кетди

  • Россиядан Ўзбекистонга учадиган чартер рейсга элчихонадаги электрон навбатдан айланиб ўтиб, қандай қилиб авиачипта сотиб олса бўлиши ҳақида

  • Россияда мигрантлар учун “ишонч рейтингини” жорий этиш режалаштирилмоқда. Хитойда бундай рейтинг яратиб бўлинган

  • Тошкентдаги Human House арт-майдонининг яратувчилари ўз уйларини бузилишдан сақлаб қола оладиларми